Siç jeni në dijeni Agjencia Kombëtare e Planifikimit të Territorit (AKPT) e krijuar rishtazi, në zbatim të Ligjit të ri “Për planifikimin e territorit” nr.10119, dt.23.04.2009, ka nisur punën për hartimin e akteve nënligjore, për të mundësuar zbatimin e ligjit brenda dipoziatave ligjore. Programi LGPA i USAID duke mbështetur AKPT, përmes asistences teknike te Co-PLAN, ka ndërmarrë procesin vendor të konsultimeve dhe marrjes së mendimeve që do të ushqejnë hartimin e akteve nënligjore të Ligjit të ri.

Ky proces ka synuar të harmonizojë dhe konsolidojë kuptimin dhe qëndrimin e të gjitha njësive vendore në Shqipëri ne lidhje me aktet nën-ligjore për planifikimin e territorit dhe të sigurojë ndërveprimin e suksesshëm me institucionet qëndrore (Ministria e Punëve Publike, Transportit dhe Telekomunikacionit dhe AKPT) si edhe me donatorët që do te japin mbështetjen e tyre për plotësimin e bazës ligjore për planifikimin e territorit.

Për këtë qëllim, ekspertë të planifikimit urban të Co-PLAN kanë ndërmarrë një cikël takimesh në nivel vendor, duke marrë mendime dhe rekomndime në kuadrin e hartimit të akteve nënligjore të Ligjit për Planifikimin e Territorit. Rezultatet e takimeve vendore dhe kontributeve që janë nga bashkite, komunat dhe qarqet, do te diskutohen në katër tryeza rajonale që do të zhvillohen në Korçë, Fier, Shkodër, Kukës.

Ju ftoj të merrni pjesë në Tryezën e Rajonit të Shkodrës, që do të organizohet ditën e Enjte në datën 8 Prill, ne orën 10.00 ne Sallën e mbledhjeve të Këshillit të Qarkut pranë Qarkut Shkodër.

Duke ju falënderuar për bashkëpunimin, shpresojmë në pjsëmarrjen tuaj.

Additional information:
http://www.co-plan.org
Ftesa e Rajonit te Shkodres (102.94 KB)
Axhenda e takimit te Shkodres (95.51 KB)
Co-PLAN, Instituti per Zhvillimin e Habitatit